Breaking News

கோவை பி.எஸ்.ஜி கல்லூரியில்
மொட்டையடித்து நிர்வாண படுத்தி ராக்கிங் செய்த 7 மாணவர்கள் கைது !

கோவை பி.எஸ்.ஜி கல்லூரியில்
மொட்டையடித்து நிர்வாண படுத்தி ராக்கிங் செய்த 7 மாணவர்கள் கைது !

தமிழகத்தில் முன்பெல்லாம் கல்லூரிகளில் அதிகளவில் ராகிங் கலாச்சாரம் இருந்து வந்தது. இது தொடர்பாக அந்தந்த கல்லூரி மாணவர்கள் என்னதான் நடவடிக்கை எடுத்தாலும் இந்த ராகிங் தொடர்ந்து கொண்டே வந்தது. இது நாளைடைவில் வளர்ந்து கொண்டே போனதால் மாணவர்கள் மனரீதியாக பாதிக்கப்பட்டனர்.
கடுமையான நடவடிக்கை
இதனைத்தொடர்ந்து கடுமையான நடவடிக்கைகள் எடுக்கப்பட்டதின் பேரில் இது கொஞ்சம் கொஞ்சமாக குறைந்து வந்தன. ஒரு சில இடங்களில் இன்னும் ராகிங் கலாச்சாரம் இருந்து கொண்டு தான் வருகிறது. இந்நிலையில் கோவை அவிநாசி சாலையில் தொண்டாமுத்தூர் பகுதியில் தனியார் கல்லூரி ஒன்று இயங்கி வருகிறது. கல்லூரி வளாகத்திலேயே மாணவர்கள் தங்குவதற்கு விடுதியும் செயல்பட்டு வருகிறது.
கல்லூரியில் இரண்டாம் ஆண்டு படிக்கும் திருப்பூர் ராயர்பாளையத்தை சேர்ந்த 18 வயதான மாணவர் ஒருவரை அதே கல்லூரியில் படிக்கும் 7 சீனியர் மாணவர்கள் ஒன்றினைந்து ராகிங் செய்துள்ளனர். நேற்று முன்தினம் இரவு சீனியர் மாணவர்கள் இரண்டாம் ஆண்டு படிக்கும் 18 வயது மாணவர் தங்கி இருந்த விடுதியின் அறைக்கு சென்றுள்ளனர். அவரிடம் மது அருந்துவதற்கு பணம் கேட்டுள்ளனர்.
மாணவனை தாக்கிய சீனியர் மாணவர்கள்
இரண்டாம் ஆண்டு மாணவரை சீனியர் மாணவர்கள் தங்கி இருக்கும் 401வது எண் அறைக்கு வலுக்கட்டாயமாக அழைத்துச் சென்று
மாணவரை ஆபாசமாக திட்டி தாக்கியதுடன் மாணவனுக்கு மொட்டை அடித்தும், உதைத்தும், துன்புறுத்தியதாக கூறப்படுகிறது. காலை 5.30 மணி வரை அறையில் அடைத்து வைத்து அந்த மாணவனை தாக்கியுள்ளதாகவும் கூறப்படுகிறது.
கல்லூரி நிர்வாகத்திடம் புகார்
இந்நிலையில் அந்த 18 வயது மாணவர் இது குறித்து தனது பெற்றோரிடம் கூறி அழுதுள்ளார். இது குறித்து உடனடியாக திருப்பூரில் இருந்து வந்த பெற்றோர் மாணவரை நேரடியாக பார்த்து நடந்த சம்பவம் குறித்து கேட்டு அறிந்துள்ளனர். இந்த விவகாரம் தொடர்பாக தனியார் கல்லூரி நிர்வாகத்திடம் பெற்றோர் புகார் அளித்துள்ளனர்.
சமாதானம் பேச முயன்ற கல்லூரி நிர்வாகம்
ஆனால் கல்லூரியின் பெயர் கெட்டுவிடும் பேசி தீர்த்துக் கொள்ளலாம் என தனியார் கல்லூரி நிர்வாகம் அந்த மாணவனின் பெற்றோரிடம் சமாதானம் செய்ய முயன்றதாக கூறப்படுகிறது. ஆனால் தனது மகன் கடுமையாக தாக்கப்பட்டதை கண்டு வேதனை அடைந்த அந்த மாணவனின் பெற்றோர் பீளமேடு காவல் நிலையத்திற்கு சென்று புகார் அளித்தனர். இதனையடுத்து உடனடியாக சம்பந்தப்பட்ட மாணவர்களை பீளமேடு போலீசார் நேரில் அழைத்து விசாரணை நடத்தினர்.
7 மாணவர்கள் கைது
விசாரணையில் அந்த இரண்டாம் ஆண்டு மாணவரை ராக்கிங் செய்து தாக்கி மிரட்டி இருப்பது உறுதி செய்யப்பட்டது. இதனைத்தொடர்ந்து கல்லூரி விடுதியில் தங்கி படிக்கும் இரண்டாம் ஆண்டு மாணவர் தரணிதரன், வெங்கடேஷ் ஆகியோரையும் மூன்றாம் ஆண்டு படிக்கும் மாதவன், மணி ஆகியோரையும், 4-ம் ஆண்டு படிக்கும் ஐயப்பன், சந்தோஷ், யாலிஷ் ஆகியோர் என 7 பேரை பீளமேடு போலீசார் கைது செய்தனர்.
6 பிரிவுகளின் கீழ் வழக்குப்பதிவு
அந்த 7 பேர் மீதும் ராகிங் சட்ட பிரிவுகள் உட்பட, சட்ட விரோதமாக கூடுதல், ஆபாசமாக பேசுதல், காயம் ஏற்படுத்துதல், ஆயுதங்களால் காயம் ஏற்படுத்துதல், கொலை மிரட்டல் உள்ளிட்ட 6 பிரிவுகளின் கீழ் வழக்கு பதிவு செய்யப்பட்டு கைது செய்யப்பட்டுள்ளனர்.
இந்நிலையில் ராக்கிங்கில் ஈடுபட்ட மாணவர்களை சஸ்பெண்ட் செய்து கல்லூரி நிர்வாகம் நடவடிக்கை எடுத்துள்ளது.

About neWsoFtTAmilNADu

Check Also

தலை விரித்தாடும் கஞ்சா மற்றும் போலி மது பாட்டில் விற்பனை!
சிக்கி தவிக்கும் திண்டுக்கல் மாவட்ட  குடும்பப் பெண்கள்! நடவடிக்கை எடுக்க தமிழக முதல்வருக்கு கோரிக்கை

திண்டுக்கல் மாவட்டம் என்றாலே  தொழிலாளர்கள் நிறைந்த பகுதி. ஆகையால் தான் திண்டுக்கல் மக்களவை தேர்தல் மற்றும் சட்டமன்றத் தேர்தலில் கம்யூனிஸ்ட் …